ટ્રાફિક પોલીસ વિભાગે વાહનચાલકો સામે 15મી જૂનથી ખાસ ઝુંબેશ શરૂ કરશે, જેમાં સગીર વાહનચાલક ટુવ્હીલર ચલાવતા પકડાશે તો અેની પાસેથી રૂ.2 હજાર જ્યારે તેના કરતાં મોટું વાહન ચલાવતા પકડાશે તો 3 હજાર દંડ વસૂલ કરાશે.

દરેક પોલીસ સ્ટેશનના પીઆઈ તેમ જ સ્ટાફના માણસો તથા ટ્રાફિકના તમામ પોલીસ સ્ટેશનના પીઆઈ, સ્ટાફના માણસો બુધવારથી શરૂ થનારી અંડર એજ અને ડાર્ક ફિલ્મની ડ્રાઈવમાં જોડાશે. સૌથી વધુ સગીર વાહનચાલકો સ્કૂલો – કોલેજોમાંથી પકડાવાની શક્યતા હોવાથી દરેક પીઆઈને તેમના વિસ્તારમાં આવેલી સ્કૂલ – કોલેજ બહાર જ ઊભા રહીને સગીર વાહનચાલકોને પકડવા સૂચના અાપી છે. આ ડ્રાઈવના પહેલાં જ દિવસે ટ્રાફિક પોલીસ અને શહેર પોલીસની 100 ટીમો જુદા જુદા વિસ્તારોમાં સગીર વાહનચાલકોને પકડશે.